بسم الله الرحمن الرحيم
انا هادخل في الموضوع مباشرة وكفاية بقى كلام كتير بنقوله ومش بنعمل منه حاجة
انا جائتني فكرة عمل الموضوع ده ويكون بذرة او نواة صغيرة لاقتراحات كتيرة في تصرفات مهمة حضارية ومتقدمة لازم نعملها ؛يعني بالمختصر احنا نبدأ بنفسنا ونسيبنا من حركات العشوائية اللي بنشوفها في شوارعنا او بمعنى ادق بتفرض علينا في شوارعنا زي زحمة المواصلات وغيره كتير
وبصراحة انا شايف ان اي حد له انتقاد عن تصرفات بتحصل وشايف ان ده ممكن يتصلح يقول وياريت نكون صادقين مع نفسنا وكله يحسن النية حتى يكون الاساس التغيير وليس مجرد النقد وخلاص
وانطلاقا انا شايف ان كل موضوع نفتحه ياريت منفتحش غير الا بعد اسبوع عشان ندي فرصة لكل الناس تشارك ونوصل لاكبر فايدة ممكنة والفكرة ان كل موضوع نطرحه كل واحد يدخل يقول ايه السلبيات اللي فين وايه نقده وازاي ممكن نحل المشكلة دي
وبصراحة اول موضوع نفسي نبدأ به هو
(""اخطاءنا وتصرفاتنا في مترو الانفاق"")
1.موضوع باب الصعود وباب النزول ياريت نلتزم به على قدر المستطاع لان انا عارف ان فيه اوقات الواحد بيركب وينزل بقوة الدفع بس على الاقل وقت ما تقدر تطبق ده اعمل كده وقول لكل زمايلك واخواتك.
2.عدم مراعاة الاخرين داخل القطار بالصوت المرتفع وتشغيل المحمول او الراديو او غيره بغض النظر عن المحتوى ياريت نراعي ان في ناس تعبانة وناس بتذاكر وناس و.....
3.ياريت اللي يلاقي حد كبير واقف يقوم له ويقعده وبلاش موضوع مش واخد بالي.
4.ياريت نستحمل بعض ولو حد دفعك للتهور تذكر انك قدوة لغيرك وعليك بالتزام الصمت واكسب نفسك واحترام الاخرين بدون كلام.
5.التمس العذر لكل الناس يمكن تعبان يمكن زعلان يمكن مش مبسوط واستحمل كل الناس.
6.افتكر دايما انك انت الشباب يعني اقوى من الطفل وقدوة ليه واقوى من الكبير وممكن تأثر فيه.
ياريت اللي شايف سلبيات تاني يقول وياريت كل اللي يدخل يعاهدنا على بداية تجنب الاشياء دي ونبدأ ونبقى ايد واحدة
» د حاتم البيطار محاضرات ادارة مستشفبات
» محاضر طبي مستعد لتدريس ادارة مستشفيات ومكافحة عدوى 01005684344
» د حاتم البيطار استشاري وجراح الاسنان
» د حاتم البيطار د حاتم البيطار محاضرات صوتية
» عضو جديد ولى بعض الاستفسارات
» يوم علمي جديد
» تسحيل دبلومة ادارة مستشفيات
» د حاتم البيطار د حاتم البيطار محاضرات ادارة مستشفيات ومكافحةعدوى د حاتم البيطار