لازم نصحى.........معتقدش

بسم الله الرحمن الرحيم

في البداية احب انبه ان الكلام اللي هاكتبه هنا ليه وعشان ايه وينطبق على مين؟؟؟؟؟

الكلام النهاردة اللي بكتبه هنا لاكتر من سبب اهمهم حبي الشديد للبلد دي "مصر""انا عارف ان هناك الان همهمات تخرج وتقول ياعم مصر ايه وبتاع ايه ..............لكن عذرا لكل من لايحب مصر .....رجاء لاتجلس في ارضها التي تسع كل جنسيات العالم ....من اراد ان يتعلم الدين سافر اليها ومن اراد ان يرى اعرق الحضارات اتى اليها .....
تاني حاجة الكلام ده بقوله عشان بحب كل انسان مصري وبحس انه اخويا بجد لذلك اردت التنويه والاشارة لا التوجيه والامارة .....
ثالثا وهو الاهم وهو لكل من يقرأ الموضوع مع اني عارف انه طويل شوية لكن اريد في النهاية ردا .....ولكن ليس كأي رد .....اريد انتقاد نفسك في شيء تفعله واخذت بالك انه........ثانيا كيف يمكن ان نتضامن من اجل النهوض بمصر.......


واليكم الموضوع

ايها الشعب الجميل الذي يبتسم في اشد المواقف صعوبة .....ايها الشعب المتدين الذي يدخل الدين في كل اموره حتى وان كان على معصية تجد مظاهر من مظاهر الدين((مع اعتراضي الشديد على هذا)) لكن هي سمة شعب مصر ايها الشعب الذي يظهر وقت الشدائد .......شعبي العزيز اصحى وفوق وكفانا نووووم.

ما جعلني لاكتب هو خروج شعبنا عن صمته وخروجه للتعبير عن ضيق العيش وزنقة الحياة وصعوبة الحياة في وسط الغلاء المستمر .......ومع انني اشعر كل هذه الاشياء كواحدا من هذا الشعب الا ان رد فعل الناس كان مثيرا للحيرة الشديدة مما قد يوحي للناس ان شعبنا كذاب........

طبعا كل واحد فاكر ان الوزير الفلاني او الوزير العلاني حاسين بالشعب ....طبعا اللي يفتكر كده يبقى عذرا مبيفكرش ...واوعى تفتكر ان حتى الريس حاسسس بيك ........طبعا كلامي غريب لكن احنا السبب لاننا بنكذب على بعض ونقعد نقول الحكومة ...الحكومة وكان كل حاجة غلط بسببها ......انا عارف ان في ضوابط كتيرة غير منتظمة لكن لازم نقف الاول نحاسب نفسينا قبل ما نحاسب الحكومة......

لان الحكومة شايفة ان الشعب مرتاح والامور تمام التمام وده مش قصر نظر منهم بس ......لا .......ده احنا وصلنا ليهم كده ....وده موضوعي ....اخرج معايا نبص بصة على الشعب الغلبان المطحون اللي مش لاقي ياكل ""بس من بعيد ومن غير كلام""

ياسلام علينا كلنا واحنا شايلين موبايلات اخر موديل ومش كده وبس لا ده سعرها ممكن يصل انه يساوي مرتب 5 الى 10 شهور موظف ومن غير مبالغة وياسلام علينا واحنا بيوتنا بقت كلها فيها دش واشتراك ووصلة وكمان كمبيوتر وكمان نت "كل ده جميل لكن اين اولوياتك"

كل اللي فات ده كوم واللي ادعى من كده لما تفتح تتفرج على ماتش زيد مع كفر عبيد وتلاقي الاستاد مليان مئة الف واحد واقل تذكرة ممكن تصل عشرون جنيها وهما برده بيقولوا احنا غلابة مع انه بيصرف فلوس في هبل

بصراحة شعبنا غلبان لانه مش بيفكر .......انا واحد من الناس كنت فاكر ان بعد غلاء الاسعار هلاقي الاستاد فاضي والقهاوي قفلت ..والغريبة اني عمري ما اعدي الا وكل القهاوي مليانة والاغرب انهم كلهم شباب وبيشتكوا من المعيشة زينا وبدل ما يشتغل او يعمل حاجة تنفعه يقعد يضيع وقت وصحة .....والدهى من كده عشرة جنيه يوميا بتضيع على القهوة ......وفلوس الموظف الكحيان اللي كل يوم جايب الجرنال وعلبة سجاير وهو رايح الشغل يعني تقريبا بيضيع 300 جنيه هبل ""اسف على الاسلوب"" لكن انا بتعجب من تصرفاته مع اهله وهو بيقولهم مافيش فلوس مع انه لو اتقى ربنا وبطل يبعتر على الجرنال ويقعد على القهوة هايوفر كتير وكمان هيبطل يتخانق مع مراته(تقريبا مراته دي غسالة وطباخة فقط ولا احترام ليها ولا حاجة)وييجي في الاخر يقول اصلها مش مهتمة بيا وبارجع الاقيها نايمة تعبانة .......اصحى يا غلبان ياللي مش لاقي تاكل
والغريبة انه بيروح الشغل بالعربية...........طبعا هتسأل عربية؟؟؟ازاي وهو مش لاقي يأكل ........اصله اخد قرض من البنك وجاب عربية زيرو وبيدفع اقساط .......ونفسي اعرف ليه المنظرة..............بصراحة الشعب مطحون.........

والغريبة ان مع كل ده برده مش بنحترم بعض ونروح الشغل متأخرين ساعة ونقعد نفطر ساعة ونروح بدري ساعة ونتلكك بصلاة الظهر ونضيع ساعة ويتبقى ساعة...والمشكلة الاكبر ان حتى الساعة اللي بتتبقى بيقعد الاخ يخنق في الناس وكأنهم بيشحتوا منه (((بيتهيألي مشكلة افراد مش حكومة بس)))

يا جماعة في النهاية عذرا لو اسلوبي غير منضبط لكن احبكم في الله ،واسف لكل انسان كويس ،اصحى يا من تنام وتمشي مع التيار دون ان تفكر......

اسف يا جماعة اني طولت ولكن هاستنى الردود زي ما اتفقنا وهاستنى ناس تقول ازاي ممكن نتعاون عشان بلدنا تكبر تاني..........